Sjóstangaveiði

Farið er frá Dalvík. Eftir stutta siglingu er tekið til við veiðarnar og er spennan oft mikil þegar vel veiðist. Allur búnaður til veiðanna er um borð í bátnum.

Ferðin tekur 2 1/2 tíma

Frá Dalvík bjóðum við einnig upp á siglingu og grillmáltíð í lítilli klettagirtri vík á vestanverðri Hrísey, örskammt frá þorpinu. Þar hafa Sjóferðir komið upp aðstöðu til að grilla blandaða kjötrétti með tilheyrandi meðlæti eða aflann sem menn veiða sjálfir á sjóstöngina. Þeir sem vilja geta skroppið og skoðað sig um á eynni á meðan verið er að grilla.

Ísdorg

Dorgveiði í gegnum ís að vetrarlagi er áhugamál

margra og vegna sérstöðu Ólafsfjarðarvatns er

mjög spennandi að veiða þar jafnt fyrir unga sem

aldna.  Hótelið getur skaffað ísbora.

Ferskvatnsveiði

Ólafsfjarðará er vinsæl silungsá. Leigðar eru út sex stangir á dag sem skiptast niður á þrjú svæði með tveimur stöngum á svæði. Silungur gengur úr sjó upp ósinn inn í Ólafsfjarðarvatn og þaðan upp í ána. Fyrstu göngur upp í ána eru yfirleitt upp úr miðjum júlí. Stangaveiðifélag SVAK sér um sölu veiðileyfa en hótelið veitir upplýsingar.

Hótelið býður upp á silungsveiði í vatninu á sumrin gegn vægu gjaldi. Er þá róið út á vatnið og er veiði með ágætum.

Afþreying